नागपूर
सायबर फसवणुकीच्या घटनांमध्ये दिवसेंदिवस वाढ होताना दिसत आहे. त्यातच नागपूरमध्ये एका वरिष्ठ अधिकाऱ्यालाच सायबर ठगांनी लक्ष्य केले आहे. आरपीएफमध्ये कार्यरत पीएसआय सिंह यांची शेअर बाजारात गुंतवणुकीच्या नावाखाली तब्बल 19 लाख रुपये फसवले गेले आहेत. या प्रकरणी सायबर पोलिसांनी गुन्हा दाखल केला असून तपास सुरू आहे.
पीएसआय सिंह यांच्या एसबीआय बँक खात्यातून एकमेकांना तब्बल 19 लाख रुपये ट्रान्सफर झाल्याचे समोर आले. मोबाइलवर पाच लाख रुपये काढल्याचा मेसेज आल्यावर त्यांनी बँकेत चौकशी केली असता संपूर्ण प्रकार उघडकीस आला.
सायबर पोलिसांनी फसवणूक व आयटी अॅक्ट अंतर्गत गुन्हा दाखल करून तपास सुरू केला आहे. पोलिसांनी नागरिकांना सायबर गुन्ह्यांपासून सतर्क राहण्याचे आवाहन केले आहे, विशेषतः मोबाइल बँकिंग व ऑनलाइन गुंतवणुकीच्या व्यवहारात काळजी घेण्याची सूचना दिली आहे.
