पोलीस आयुक्त डॉ. रवींद्र कुमार सिंगल यांनी 18 ऑक्टोबर दुपारी सुमारे पाच वाजताच्या सुमारास सांगितले की, पोलीस परिमंडळ क्रमांक एक, नागपूर शहराकडून आयोजित जप्त मुद्देमाल परतावा सोहळ्यात तब्बल 87 लाख रुपयांचा मुद्देमाल मूळ मालकांच्या हाती परत करण्यात आला. हा सोहळा पोलीस उपायुक्त ऋषिकेश रेड्डी यांच्या प्रमुख उपस्थितीत पार पडला. यावेळी विविध पोलीस ठाण्यांच्या हद्दीतील लोकांच्या हक्काचे मुद्देमाल परत देण्यात आले.
पोलिस आयुक्त डॉ. रवींद्र कुमार सिंगल यांनी सांगितले की, नागपूर पोलीस शहरातील नागरिकांचा विश्वास टिकवून ठेवणे हा आमचा प्रमुख उद्देश आहे. जप्त मुद्देमाल वेळेत परत करणे हा नागरिकांच्या हक्काचे रक्षण करण्याचा एक महत्त्वाचा टप्पा आहे, असे त्यांनी सांगितले. या यशस्वी परताव्यामुळे नागपूर पोलीस प्रशासनाची कार्यक्षमता आणि नागरिकांबद्दलची जबाबदारी दिसून येते.
