धारदार हत्याराने तरूणाचा प्रायव्हेट पार्ट कापला, अज्ञात आरोपीविरोधात गुन्हा दाखल
उत्तर प्रदेश प्रयागराज जिल्ह्यातून धक्कादायक बातमी समोर येत आहे. एका अज्ञात व्यक्तीनं तरूणाचे गुप्तांग कापून पळ काढला आहे. तरूण घरी झोपलेला असताना अज्ञात आरोपीनं हे कृत्य केलं. तरूणानं तातडीने भावाच्या खोलीत धाव घेतली. नंतर तो रक्ताच्या थारोळ्यात बेशुद्ध होऊन पडला. झोपेत घडलेल्या या विचित्र घटनेमुळे सर्वांनाच धक्का बसला. सध्या तरूणावर खासगी रूग्णालयात उपचार सुरू आहेत.ही संपूर्ण घटना मऊआइमा पोलीस स्टेशन परिसरात घडली. २० वर्षीय तरूण घरातच गाढ झोपेत होता. अज्ञात आरोपीनं येऊन तरूणाचे गुप्तांग कापले. धारदार चाकूने गुप्तांग कापून अज्ञात आरोपीनं घरातून पळ काढला. तरूण खडबडून जागा झाला. वेदनेनं विव्हळत होता. मात्र, त्याला घटनास्थळी कुणीही दिसले नाही.
यानंतर तरूणानं भावाच्या खोलीत धाव घेतली. नंतर बेशुद्ध होऊन रक्ताच्या थारोळ्यात पडला. घटनेची माहिती मिळताच जवळपास लोकांची गर्दी जमली. परंतु, आरोपीची ओळख अद्याप पटलेली नाही. त्यानंतर मऊआइमा पोलीस स्टेशनला माहिती देण्यात आली.
घटनेची माहिती मिळताच पोलिसांनी घटनास्थळी धाव घेतली. परंतु अद्याप पोलिसांना आरोपी सापडलेला नाही. सध्या पोलिसांकडून पुढील तपास सुरू आहे. कुटुंबातील सदस्यांनी दिलेल्या माहितीनुसार, पीडित तरूण अविवाहित होता. पाच भाऊ आणि दोन बहिणींमध्ये तो लहान होता. घटनेच्या दिवशी तो वेगळ्या खोलीत झोपला होता. माहिती मिळताच त्याला तातडीने रूग्णालयात दाखल करण्यात आले. त्याच्यावर उपचार सुरू आहेत. सध्या पोलिसांकडून अज्ञात आरोपीचा शोध सुरू आहे.
