आकोला जिल्ह्यात शेतकऱ्यांचे बेमुदत आमरण उपोषण; नवीन शेतरस्त्यांसाठी सुरु केली लढाई!

आकोला :- आकोला जिल्ह्यातील कारंजा (रम) आणि नया अंदुरा येथील शेतकऱ्यांनी सुरू केलेले बेमुदत आमरण उपोषण चर्चेचा विषय ठरला आहे. लघु पाटबंधारे विभागाने अकोला जिल्ह्यातील कारंजा धरण बांधले आहे, ज्यामुळे शेतकऱ्यांच्या शेतरस्ते पाण्याखाली गेले आहेत. आजच्या आपल्या बातमीचा मुख्य मुद्दा म्हणजे शेतकऱ्यांना शेतात जाण्यासाठी नवीन रस्त्यांची गरज.

आकोला जिल्ह्यातील कारंजा (रम), नया अंदुरा येथील शेतकऱ्यांना शेतात जाण्यासाठी पूर्व आणि पश्चिम दिशेचे दोन शेतरस्ते पाण्याखाली गेल्यामुळे मोठी समस्या निर्माण झाली आहे. हे शेतरस्ते पाण्याखाली गेल्यामुळे शेतकरी शेतामध्ये जाऊ शकत नाहीत, ज्यामुळे त्यांची शेतीची मशागत आणि पेरणीवर गंभीर परिणाम झाला आहे.

शेतकऱ्यांनी या समस्येवर उपाय सुचवण्यासाठी जिल्हाधिकारी, उपविभागीय अधिकारी, तहसिलदार आणि इतर संबंधित प्रशासनास अनेक वेळा निवेदन दिले होते, परंतु अद्याप कोणतीही कार्यवाही केली गेली नाही. यामुळे हताश झालेल्या शेतकऱ्यांनी धरणाच्या भिंतीजवळ बेमुदत आमरण उपोषण सुरू केले आहे.

या उपोषणाचे नेतृत्व 20 शेतकऱ्यांनी घेतले असून, त्यांच्या मागणीचा मुद्दा आहे – “शेतरस्ते पाण्याखाली गेल्यामुळे आम्हाला नवीन शेतरस्ते मिळावेत, अन्यथा आम्ही आमरण उपोषण थांबवणार नाही

शेतकऱ्यांच्या संघर्षाला किती आणि केव्हा उत्तर मिळेल, हे पाहणं महत्त्वाचं ठरेल. या संदर्भातील अपडेट्ससाठी आपल्यासोबत राहा. धन्यवाद