कळमणा पोलिसांची कारवाई; मोटारसायकल चोरीचे दोन गुन्हे उघड, आरोपी अटकेत
नागपूर शहरातील कळमणा पोलीस ठाण्याच्या तपास पथकाने मोटारसायकल चोरीच्या दोन गुन्ह्यांचा यशस्वी उलगडा केला आहे. पोलिसांनी एका आरोपीला अटक करून दोन चोरीच्या मोटारसायकली जप्त केल्या असून सुमारे ५० हजार रुपयांचा मुद्देमाल हस्तगत करण्यात आला आहे.
नागपूर शहरातील कळमणा पोलीस ठाण्यात मोटारसायकल चोरीचा गुन्हा दाखल झाल्यानंतर तपास पथकाने या प्रकरणाचा वेगाने तपास सुरू केला.
फिर्यादी सहजाद शेख यांनी १५ मार्च २०२६ रोजी रात्री त्यांच्या घरासमोर उभी केलेली स्प्लेन्डर मोटारसायकल चोरीस गेल्याची तक्रार पोलिसांकडे नोंदवली होती.
या प्रकरणाचा तपास सुरू असतानाच कळमणा पोलिसांना गुप्त बातमीदारामार्फत माहिती मिळाली की बकरा मंडी परिसरात एक संशयित इसम चोरीच्या गाडीसह उभा आहे.
माहितीच्या आधारे पोलिसांनी तात्काळ सापळा रचून संशयिताला ताब्यात घेतले. चौकशीदरम्यान त्याने आपले नाव प्रेमंत उर्फ गोलू संतोपकुमार सिंग (वय १९ वर्ष) असे सांगितले.
पोलिसांनी त्याच्याकडून स्प्लेन्डर आणि पल्सर अशा दोन मोटारसायकली जप्त केल्या. पुढील चौकशीत त्याने दोन्ही गाड्या चोरी केल्याची कबुली दिली.
या कारवाईत पोलिसांनी सुमारे ५० हजार रुपयांचा मुद्देमाल जप्त केला असून दोन्ही गुन्ह्यांमध्ये शंभर टक्के मुद्देमाल हस्तगत करण्यात आला आहे.
ही कारवाई नागपूर शहर पोलीस आयुक्तांच्या मार्गदर्शनाखाली कळमणा पोलीस ठाण्याच्या तपास पथकाने यशस्वीपणे पार पाडली.
कळमणा पोलिसांच्या सतर्क तपासामुळे मोटारसायकल चोरीच्या दोन्ही घटनांचा उलगडा झाला असून आरोपीला अटक करण्यात आली आहे.
