मंगळुरू प्रतिनिधी :
मंगळुरू शहरातील Lourdes Central School येथे बॉम्बस्फोटाची धमकी देणारा ई-मेल आल्याने बुधवारी सकाळी खळबळ उडाली. मात्र पोलिसांच्या सखोल तपासानंतर ही धमकी खोटी असल्याचे स्पष्ट झाले.
पोलिसांच्या माहितीनुसार, पहाटे सुमारे ४ वाजण्याच्या सुमारास शाळेच्या मुख्याध्यापकांच्या मेलबॉक्समध्ये स्फोटाची धमकी देणारा ई-मेल आला. शाळा प्रशासनाने तात्काळ याबाबत जवळच्या मंगळुरू ईस्ट पोलिस ठाण्याला माहिती दिली.
माहिती मिळताच पोलिसांनी बॉम्ब शोधक व निकामी पथकासह शाळेत धाव घेतली. संपूर्ण परिसराची बारकाईने तपासणी करण्यात आली. विद्यार्थ्यांच्या सुरक्षेच्या दृष्टीने आवश्यक ती खबरदारी घेण्यात आली.
सखोल शोधमोहीमेनंतर कोणतीही संशयास्पद वस्तू आढळून न आल्याने ही धमकी केवळ अफवा असल्याचे निष्पन्न झाले. पोलिसांनी ई-मेल पाठवणाऱ्याचा शोध घेण्याची प्रक्रिया सुरू केली असून पुढील तपास सुरू आहे.
