चांदूर रेल्वे: श्री संत नरहरी महाराज पुण्यतिथीनिमित्त भव्य शोभायात्रा; भक्ती आणि उत्साहाने दुमदुमला परिसर

चांदूर रेल्वे: आशापुरी महिला मंडळ व श्री संत नरहरी महाराज सेवा समिती यांच्या संयुक्त विद्यमाने श्री संत नरहरी महाराज यांची पुण्यतिथी अत्यंत उत्साहात आणि भक्तीमय वातावरणात साजरी करण्यात आली. या निमित्ताने जुनी कोतवाली, भाजी बाजार येथून भव्य शोभायात्रेचे आयोजन करण्यात आले होते, ज्यामध्ये शेकडो समाजबांधव सहभागी झाले होते.

चांदीच्या पादुकांचा अभिषेक आणि पूजन

कार्यक्रमाची सुरुवात महाराजांच्या चांदीच्या पादुकांच्या अभिषेकाने झाली. समाजातील दाम्पत्यांच्या हस्ते हा अभिषेक विधी संपन्न झाला. यावेळी समाजातील वरिष्ठ मंडळी आणि महिला व पुरुष कार्यकारिणीचे पदाधिकारी मोठ्या संख्येने उपस्थित होते.

उपस्थित पदाधिकारी:

महिला कार्यकारिणी: अध्यक्षा श्रीमती चंदाताई गौंड, उपाध्यक्षा सौ. नलिनीताई करुले, सचिव सौ. दीपाताई अनासाने, सहसचिव सौ. स्वाती अनासाने, कोषाध्यक्ष सौ. आरतीताई करुले.

पुरुष कार्यकारिणी: अध्यक्ष विवेकराव गोमेकर, सचिव योगेशराव पंचवटे, कोषाध्यक्ष विजयराव खडेकार.

तसेच सौ.प्रियाताई मरोडकर, भारतीताई मरोडकर, पुनमताई हरमकर, प्रियंकाताई करुले, सौ.हर्षालीताई अनासाने यांची प्रमुख उपस्थिती होती.

शोभायात्रेचे खास आकर्षण

सायंकाळी काढण्यात आलेल्या शोभायात्रेमध्ये वारकरी संप्रदायाचा उत्साह दिसून आला. दिंडी, साई महाराजांचा रथ, पालखी, घोडे, लहान मुलांच्या विविध झाँकी आणि पताका हे शोभायात्रेचे मुख्य आकर्षण ठरले.

• वेशभूषा: महिलांनी परिधान केलेल्या पिवळ्या साड्या व लाल फेटे, तसेच पुरुषांचा पांढरा शुभ्र पोषाख यामुळे पालखी सोहळ्याला एक वेगळीच रंगत आली होती.
• सादरीकरण: महिलांनी टाळ-मृदंगाच्या गजरात केलेले नाद सादरीकरण आणि सौ. माधुरीताई अनासाने यांनी केलेली गणेश वंदना सर्वांचे लक्ष वेधून घेत होती.

शोभायात्रा मार्गावर ठिकठिकाणी रोशनाई करण्यात आली होती आणि परिसरातील नागरिकांनी पालखीचे जंगी स्वागत केले. भाविकांसाठी शरबत व थंड पेयांची व्यवस्था करण्यात आली होती.

गुणवंतांचा सत्कार आणि नवनिर्वाचित नगरसेविकांचा गौरव

पालखी सोहळ्याच्या समापनानंतर समाजातील गुणवत्ता प्राप्त विद्यार्थ्यांचा सत्कार करून त्यांचे कौतुक करण्यात आले. तसेच, नवनिर्वाचित नगरसेविका सौ. प्रियंका भूषणजी पाटणे व त्यांच्या पतींचा शाल, श्रीफळ आणि विठ्ठल-रुक्मिणीची मूर्ती देऊन गौरव करण्यात आला.

कार्यक्रमाचे नियोजन: कार्यक्रमाचे सूत्रसंचालन सौ. विशाखा प्रवीण हरमकर यांनी केले, तर आभार प्रदर्शन पुनमताई प्रकाश अनासाने यांनी मानले. स्नेहलताई आशिषराव करुले यांनी आपले मनोगत व्यक्त केले. कार्यक्रमाची सांगता महाआरती आणि महाप्रसादाने झाली. हा सोहळा यशस्वी करण्यासाठी समाजातील सर्व स्तरातील लोकांनी परिश्रम घेतले.