सावधान! महाराष्ट्रातील १६,०००+ सरकारी कार्यालयांची वीज गुल होणार; ‘ही’ तारीख ठरली, सर्वसामान्यांना फटका?

अमरावती | ४ फेब्रुवारी २०२६: महाराष्ट्रातील सरकारी कार्यालयांमध्ये काम करणाऱ्या कर्मचाऱ्यांसाठी आणि कामानिमित्त तिथे जाणाऱ्या नागरिकांसाठी एक मोठी बातमी समोर येत आहे. अमरावती आणि यवतमाळ जिल्ह्यातील तब्बल १६,९८१ सरकारी कार्यालयांचा वीजपुरवठा खंडित करण्याचा इशारा महावितरणने दिला आहे. कोट्यवधी रुपयांची थकबाकी न भरल्यामुळे ही कठोर कारवाई केली जाणार आहे.

नेमकी तारीख काय?

महावितरणने दिलेल्या माहितीनुसार, येत्या १२ फेब्रुवारी २०२६ रोजी या सर्व १६,९८१ कार्यालयांची वीज २४ तासांसाठी खंडित केली जाणार आहे. यापूर्वी २२ जानेवारीला केवळ ४ तासांसाठी ‘टोकन डिस्कनेक्शन’ करून इशारा देण्यात आला होता, मात्र तरीही बिल न भरल्याने आता २४ तासांचा ‘शॉक’ दिला जाणार आहे.

थकबाकीचा डोंगर: ४३९ कोटी रुपये थकीत

या दोन जिल्ह्यांमधील सरकारी कार्यालयांकडे महावितरणची प्रचंड थकबाकी आहे:

• अमरावती जिल्हा: ८,१९१ कार्यालयांकडे १३२.२८ कोटी रुपयांची थकबाकी.
• यवतमाळ जिल्हा: ८,७९० कार्यालयांकडे ३०६.५२ कोटी रुपयांची थकबाकी.
• विशेष म्हणजे: ५,४२७ कार्यालयांनी एप्रिल २०२५ पासून एकदाही वीज बिल भरलेले नाही.

कारवाईचा फटका कुणाला बसणार?

१२ फेब्रुवारीला कार्यालयांची वीज गेल्यामुळे तिथे होणारी प्रशासकीय कामे ठप्प होऊ शकतात. संगणक प्रणाली, इंटरनेट आणि इतर ऑनलाइन सेवा बंद राहिल्यामुळे दाखले काढणे किंवा इतर शासकीय कामांसाठी येणाऱ्या सर्वसामान्यांना मोठा मनस्ताप सहन करावा लागण्याची शक्यता आहे.

‘कायमस्वरूपी वीज खंडित’ करण्याचा इशारा

महावितरणने स्पष्ट केले आहे की, १२ फेब्रुवारीच्या कारवाईनंतरही जर थकबाकी भरली गेली नाही, तर या कार्यालयांचा वीजपुरवठा कायमस्वरूपी (Permanent Disconnection) खंडित केला जाईल. महावितरणचा आर्थिक स्रोत केवळ बिल वसुलीवर अवलंबून असल्याने ही टोकाची भूमिका घ्यावी लागत असल्याचे प्रशासनाने म्हटले आहे.