स्व. यशवंतराव चव्हाण राज्य वाङ्‌मय पुरस्कारासाठी प्रवेशिका व पुस्तके पाठविण्याचा कालावधी जाहीर

मराठी भाषेतील उत्कृष्ट वाङ्‌मय निर्मितीसाठी राज्य शासनाच्यावतीने देण्यात येणाऱ्या स्व. यशवंतराव चव्हाण राज्य वाङ्‌मय पुरस्कार (प्रकाशन वर्ष २०२५) यासाठी प्रवेशिका व पुस्तके स्वीकारण्याचा कालावधी जाहीर करण्यात आला आहे. १ जानेवारी २०२६ ते ३० जानेवारी २०२६ या कालावधीत प्रवेशिका व पुस्तके सादर करता येणार आहेत.

कोणती पुस्तके पात्र?

या पुरस्कारासाठी १ जानेवारी २०२५ ते ३१ डिसेंबर २०२५ या कालावधीत प्रकाशित झालेली प्रथम आवृत्तीची पुस्तके स्पर्धेसाठी पात्र असतील.

प्रवेशिका कुठे मिळणार?

या स्पर्धेची नियमावली व प्रवेशिका विनामूल्य खालील ठिकाणी उपलब्ध असतील –

• सचिव, महाराष्ट्र राज्य साहित्य आणि संस्कृती मंडळ कार्यालय
  (रवींद्र नाट्यमंदिर इमारत, दुसरा मजला, सयानी मार्ग, प्रभादेवी, मुंबई – ४०० ०२५)
• मुंबई शहर व मुंबई उपनगर वगळता इतर जिल्ह्यांतील जिल्हाधिकारी कार्यालये
  (सर्वसाधारण शाखा अथवा करमणूक शाखा)

तसेच प्रवेशिका व नियमपुस्तिका पुढील संकेतस्थळांवरही उपलब्ध असतील –

• महाराष्ट्र शासन: www.maharashtra.gov.in
  (‘नवीन संदेश’ व ‘What’s New’ या सदरांत)
• महाराष्ट्र राज्य साहित्य आणि संस्कृती मंडळ: http://sahitya.marathi.gov.in

प्रवेशिका कुठे पाठवायची?

• मुंबई शहर व मुंबई उपनगर येथील लेखक / प्रकाशकांनी
  → पुस्तकांच्या दोन प्रतींसह प्रवेशिका
  → सचिव, महाराष्ट्र राज्य साहित्य आणि संस्कृती मंडळ, प्रभादेवी, मुंबई येथे पाठवाव्यात.
• मुंबई शहर व उपनगर वगळता इतर जिल्ह्यांतील लेखक / प्रकाशकांनी
  → संबंधित जिल्हाधिकारी कार्यालयात
  → १ ते ३० जानेवारी २०२६ या कालावधीत पुस्तके व प्रवेशिका सादर कराव्यात.

महत्त्वाच्या सूचना

• प्रवेशिका पाठविताना बंद लिफाफ्यावर / पाकिटावर
  👉 ‘स्व. यशवंतराव चव्हाण राज्य वाङ्‌मय पुरस्कार २०२५ साठी प्रवेशिका’
  असा स्पष्ट उल्लेख करणे आवश्यक आहे.
• प्रवेशिका व पुस्तके स्वीकारण्याचा अंतिम दिनांक ३० जानेवारी २०२६ आहे.
• विहित कालमर्यादेनंतर प्राप्त होणाऱ्या प्रवेशिका स्वीकारल्या जाणार नाहीत, असा स्पष्ट इशारा महाराष्ट्र राज्य साहित्य आणि संस्कृती मंडळाने दिला आहे.