अमरावती जिल्ह्यात नगरपरिषद निवडणुकांना सुरुवात; कडेकोट पोलिस बंदोबस्त

अमरावती जिल्ह्यात आज नगरपरिषद निवडणुकांसाठी मतदानाला सुरुवात झाली असून सकाळी 7.30 वाजता मतदान प्रक्रिया सुरू झाली. जिल्ह्यातील ११ नगरपरिषदांमध्ये चुरशीची लढत पाहायला मिळत असून मतदारांमध्ये उत्साहाचे वातावरण आहे. आजच्या मतदानातून उमेदवारांचे भवितव्य मतपेटीत बंद होणार आहे.

कडेकोट पोलिस बंदोबस्त

निवडणूक शांततेत पार पाडण्यासाठी जिल्ह्यात तगडा सुरक्षा बंदोबस्त तैनात करण्यात आला आहे.

• 1453 पोलीस कर्मचारी आणि 117 अधिकारी ड्युटीवर
• 900 होमगार्ड सुरक्षिततेसाठी नियुक्त
• SRPF आणि RCB तुकड्यांचीही जोड
• सर्व मतदान केंद्रांवर कठोर सुरक्षा व्यवस्था
• संवेदनशील बूथवर अतिरिक्त पोलिसांची नेमणूक

पोलीस प्रशासनाने नागरिकांना शांततेत मतदान करण्याचे आवाहन केले असून, “अफवांवर विश्वास ठेवू नका” अशी सूचना दिली आहे.

मतदारांची मोठी संख्या

जिल्ह्यासह राज्यात मतदान सुरू असून १ कोटी ७ लाख ३५५७६ मतदार मतदानाचा हक्क बजावणार आहेत. २४ नगरपरिषदा वगळता इतर सर्व ठिकाणी मतदान होत आहे. अनेक दिग्गजांच्या प्रतिष्ठेची निवडणूक असल्याने “कोण मारणार बाजी?” याकडे सर्वांचे लक्ष लागले आहे.

मुख्य नगरपरिषदांमध्ये चुरशीची लढत

• चांदूर बाजार, दर्यापूर, वरुडमध्ये मोठी चुरस
• अचलपूरमध्ये 237 सदस्य पदांसाठी तीव्र स्पर्धा
• धारणी नगरपंचायतीत अध्यक्षपदासाठी संघर्ष

राजकीय समीकरणे

• राष्ट्रवादी (अजित पवार गट) अनेक ठिकाणी आघाडीवर
• राष्ट्रवादी (शरद पवार गट) काही नगरपरिषदांत मजबूत स्थितीत
• भाजपकडून जिल्ह्यात सर्वाधिक उमेदवार; मोर्शी, वरुड, अचलपूरमध्ये आक्रमक प्रचार
• प्रहार जनशक्ती काही तालुक्यांत सक्रिय
• समाजवादी पक्ष धारणीमध्ये मैदानात
• अपक्ष उमेदवारांचे वर्चस्वही यंदा लक्षणीय