नागपूर पुस्तक महोत्सवात संत गाडगे बाबा अमरावती विद्यापीठातील विद्यार्थ्यांचा उत्स्फूर्त सहभाग
अमरावती, २४ नोव्हेंबर २०२५: नागपूर येथील रेशीमबाग मैदानावर सुरू असलेल्या नागपूर पुस्तक महोत्सवामध्ये संत गाडगे बाबा अमरावती विद्यापीठाचे अधिकारी, शिक्षक आणि विद्यार्थी मोठ्या उत्साहाने सहभागी झाले आहेत. विद्यापीठाचे कुलगुरू डॉ. मिलींद बारहाते आणि प्र-कुलगुरू डॉ. महेंद्र ढोरे यांनी या सहभागाबद्दल सर्वांचे अभिनंदन केले आहे.
शनिवार, २२ नोव्हेंबर पासून सुरु झालेल्या या भव्यदिव्य पुस्तक महोत्सवाचे आयोजन नॅशनल बुक ट्रस्ट करत आहे आणि हा महोत्सव ३० नोव्हेंबरपर्यंत चालणार आहे. महोत्सवात राष्ट्रीय तसेच आंतरराष्ट्रीय ख्यातीप्राप्त लेखक, कवी, कथाकार आणि चित्रपट कलावंत सहभागी झाले असून, त्यांच्या विविध साहित्यिक सादरीकरणांनी कार्यक्रमाला रंगत दिली आहे.
विद्यापीठाकडून कुलगुरू डॉ. मिलींद बारहाते, प्र-कुलगुरू डॉ. महेंद्र ढोरे, विद्यार्थी विकास संचालक डॉ. राजीव बोरकर, राष्ट्रीय सेवा योजना संचालक डॉ. निलेश कडू, डॉ. प्रणव कोलते आणि अनेक शिक्षक व विद्यार्थी मोठ्या संख्येने उपस्थित होते.
विद्यापीठाच्या प्रतिनिधींच्या सहभागामुळे महोत्सव अधिक सजीव आणि उत्साही बनला असून, विद्यार्थ्यांना साहित्य आणि ज्ञानाभिमुख अनुभव मिळण्याची संधी उपलब्ध झाली आहे.
