टी२० विश्वचषकातील ऐतिहासिक विजय: पंतप्रधानांनी भारतीय दृष्टिहीन महिला संघाचे कौतुक

पंतप्रधान नरेंद्र मोदी यांनी टी२० विश्वचषकाचे विजेतेपद पटकावणाऱ्या भारतीय दृष्टिहीन महिला क्रिकेट संघाचे सोमवारी अभिनंदन केले. त्यांनी या विजयाला “संघभावना आणि दृढ निश्चयाचे उज्ज्वल उदाहरण” असे संबोधले.

कोलंबोतील पी. सारा ओव्हल मैदानावर रविवारी (23 नोव्हेंबर 2025) झालेल्या अंतिम सामन्यात भारताने नेपाळचा सात विकेटने पराभव करत ऐतिहासिक विजेतेपद मिळवले. प्रथम गोलंदाजीची निवड करत भारताने नेपाळला 114 धावांवर 5 बाद रोखले. त्यानंतर दमदार फलंदाजी करत भारतीय संघाने केवळ 12 षटकांत 117 धावा करत विजेतेपद आपल्या नावावर केले.

पंतप्रधान मोदी यांनी संघाच्या प्रेरणादायी कामगिरीचे कौतुक करत देशाचे नाव उज्ज्वल केल्याबद्दल अभिनंदन केले.