पाचुंदा गावात दुहेरी खून – कापूस वेचणीदरम्यान दोन सख्ख्या जावांचा गळा दाबून हत्या; लुटमारीचा संशय

माहूर, नांदेड – माहूर तालुक्यातील पाचुंदा गावात 20 नोव्हेंबर रोजी दुपारी भीषण घटना घडली. कापूस वेचणीसाठी शेतात गेलेल्या दोन सख्ख्या जावांचा अज्ञात आरोपींनी गळा दाबून खून केल्याची धक्कादायक माहिती उघड झाली. शेतात मृतावस्थेत सापडलेल्या महिलांच्या गळ्यातील मंगळसूत्र आणि दागिने गायब असल्याने ही हत्या लुटमारीसाठी घडवून आणल्याचा प्राथमिक अंदाज पोलिसांनी व्यक्त केला आहे.

मृत महिला

• अंतकलाबाई अशोक आढागळे (60)
• अनुसयाबाई साहेबराव आढागळे (45)

शांत परिसर असलेल्या पाचुंदा गावात या दुहेरी हत्येमुळे खळबळ उडाली असून कुटुंबीयांमध्ये आक्रोश आणि गावात भीतीचे वातावरण निर्माण झाले आहे.

घटनास्थळावर पोलीसांचा तपास

घटनेची माहिती मिळताच

• पोलीस निरीक्षक देविदास चोपडे
• सहाय्यक पोलीस निरीक्षक शरद घोडके

यांनी घटनास्थळी धाव घेत तपास सुरू केला. शेतातील परिस्थिती, संघर्षाची चिन्हे, दागिन्यांचा अभाव याचा बारकाईने पंचनामा करण्यात आला आहे.

पोलिसांचा शोध मोहीम

अज्ञात आरोपी कोण आहेत? उद्देश काय?
याविषयी अद्याप स्पष्ट माहिती मिळाली नसली तरी आरोपींचा शोध घेण्यासाठी विशेष पथक तयार करण्यात आल्याची माहिती मिळते.

गावात भीतीचे सावट

या दुहेरी खुनानंतर

• महिलांमध्ये भीती आणि असुरक्षिततेची भावना
• गावकऱ्यांमध्ये चिंतेचे वातावरण सरले आहे.

पोलिसांनी लवकरात लवकर आरोपींना अटक करून या प्रकरणाचा तपास गतीने पूर्ण करण्याचे आश्वासन दिले आहे.