पाचपावली पोलीस ठाण्याचे पोलीस निरीक्षक बाबुराव राऊत यांनी दिलेल्या माहितीनुसार, ६ नोव्हेंबरच्या रात्री सुमारे सात वाजताच्या सुमारास पाचपावली पोलिसांना गोपनीय माहिती मिळाली की काही गोवंशांना कत्तलीसाठी बांधून ठेवण्यात आले आहे. त्यावर तत्काळ पोलिसांनी पथक तयार करून त्या ठिकाणी छापा टाकला. छाप्यामध्ये पोलिसांनी कत्तलीसाठी आणलेल्या गोवंशांना वाचविण्यात यश मिळवले, म्हणजेच या निरपराध जनावरांना जीवनदान मिळाले.
या प्रकरणी पोलिसांनी एक आरोपीविरुद्ध गुन्हा दाखल केला असून पुढील तपास पोलीस ठाण्याचे पथक करीत आहे. पोलिसांच्या या तत्परतेबद्दल नागरिकांनी कृतज्ञता व्यक्त केली आहे. या कारवाईमुळे पुन्हा एकदा पाचपावली पोलिसांचे कर्तव्यनिष्ठ काम अधोरेखित झाले आहे.
