Gold Price Today: सोन्याच्या दरात चढ-उतार सुरूच, १० तोळे सोनं ४३०० रुपयांनी महागलं; २४-२२ कॅरेटचे आजचे भाव जाणून घ्या
vसोनं-चांदीच्या दरात आज पुन्हा वाढ झाली आहे. गेल्या काही दिवसांपासून दरांमध्ये सतत चढ-उतार पाहायला मिळत आहेत. बुधवारी सोन्याचे दर कमी झाले होते, मात्र आज पुन्हा दरांमध्ये वाढ झाली आहे.
२४ कॅरेट सोनं:
गुड रिटर्न्सने दिलेल्या माहितीनुसार, आज २४ कॅरेट सोन्याच्या दरात प्रति तोळा ४३० रुपयांची वाढ झाली आहे. १ तोळा सोनं खरेदीसाठी आज १,२१,९१० रुपये खर्च करावे लागतील. बुधवारी हेच सोनं १,२१,४८० रुपयांना विकले गेले होते. त्यामुळे १० तोळा सोनं खरेदीसाठी आज १२,१९,१०० रुपये मोजावे लागतील, जे बुधवारी १२,१४,८०० रुपये होते.
२२ कॅरेट सोनं:
२२ कॅरेट सोन्याच्या दरात देखील वाढ झाली आहे. आज प्रति तोळा ४०० रुपयांची वाढ नोंदली गेली आहे. १ तोळा सोनं खरेदीसाठी १,११,७५० रुपये मोजावे लागतील, जे बुधवारी १,११,३५० रुपये होते. त्यामुळे १० तोळा सोन्याचा दर ११,१७,५०० रुपये झाला आहे.
१८ कॅरेट सोनं:
१८ कॅरेट सोन्याच्या दरातही वाढ झाली असून प्रति तोळा ३२० रुपयांनी वाढ झाली आहे. आज १ तोळा ९१,४३० रुपये तर १० तोळे सोनं ९,१४,३०० रुपयांना मिळणार आहे.
चांदीचे दर:
सोन्यासोबत चांदीच्या दरातही वाढ झाली आहे. १ ग्रॅम चांदीचा दर १ रुपयांनी वाढून १५१.५० रुपये झाला आहे. तर १ किलो चांदीसाठी आज १,५१,५०० रुपये मोजावे लागतील.
दरांमध्ये झालेल्या या वाढीमुळे ग्राहकांच्या खिशावर ताण येणार आहे. सणासुदीच्या काळात सोनं-चांदी खरेदी करण्यापूर्वी आजचे दर लक्षात घेणे गरजेचे आहे.
