शिक्षक मतदारसंघाच्या मतदारयाद्या नव्याने! | ६ नोव्हेंबर २०२५ अंतिम मुदत | अमरावती विभाग | नोंदणी प्रक्रिया
भारत निवडणूक आयोगाने एक मोठी घोषणा केली आहे. पदवीधर आणि शिक्षक मतदारसंघाच्या मतदारयाद्या नव्याने तयार करण्याचा कार्यक्रम जाहीर झाला आहे. विशेषतः अमरावती विभागातील शिक्षक विधानपरिषद मतदारसंघांसाठी हा कार्यक्रम असणार आहे.
भारत निवडणूक आयोगाने अमरावती विभागातील शिक्षक विधानपरिषद मतदारसंघांसाठी मतदारयाद्या नव्याने तयार करण्याचा महत्त्वाकांक्षी कार्यक्रम हाती घेतला आहे. यासाठीची अर्हता दिनांक १ नोव्हेंबर २०२५ निश्चित करण्यात आली आहे. या कार्यक्रमांतर्गत, मतदार नोंदणीसाठी पात्र असलेल्या प्रत्येक व्यक्तीने तात्काळ नोंदणी करणे आवश्यक आहे. नोंदणीसाठीची अंतिम मुदत ६ नोव्हेंबर २०२५ अशी निश्चित करण्यात आली आहे. पात्र नागरिकांनी ‘नमुना १९’ मध्ये आपला अर्ज सादर करायचा आहे. मतदार नोंदणी नियम, १९६० च्या नियम ३१ (४) नुसार प्रसिद्ध केलेल्या नोटीसची प्रथम पुनर्प्रसिद्धी करण्यात येत आहे. ही नोटीस जिल्हाधिकारी कार्यालय, जिल्हा परिषद, महानगरपालिका, उपविभागीय अधिकारी, तहसिलदार तसेच सर्व पंचायत समिती आणि नगर परिषद कार्यालयांच्या नोटीस बोर्डवर आणि त्यांच्या संकेतस्थळांवर प्रसिद्ध करण्यात आली आहे. यासंबंधीचा सर्व तपशील महाराष्ट्र राज्याचे मुख्य निवडणूक अधिकारी यांच्या ‘ceo.maharashtra.gov.in‘ या अधिकृत संकेतस्थळावर तसेच विभागीय आयुक्त कार्यालय, अमरावती यांच्या ‘amravatidivision.gov.in‘ या संकेतस्थळावरही उपलब्ध आहे. पात्र मतदारांनी लवकरात लवकर अर्ज सादर करून या प्रक्रियेत सक्रिय सहभाग घ्यावा, असे आवाहन निवडणूक आयोगाने केले आहे.
