जिल्हा परिषद शिक्षकांसाठी ‘केंद्र प्रमुख’ पदांची ऑनलाइन परीक्षा डिसेंबरमध्ये
मुंबई : राज्यातील सर्व जिल्हा परिषदांमधील कार्यरत प्राथमिक शिक्षकांना ‘केंद्र प्रमुख’ (समूह साधन केंद्र समन्वयक) पदांवर नियुक्तीसाठी मर्यादित विभागीय ऑनलाइन स्पर्धा परीक्षा १ ते ५ डिसेंबर २०२५ या कालावधीत आयोजीत केली जाणार आहे. या परीक्षेद्वारे एकूण २४१० पदांची भरती करण्यात येणार आहे.
महाराष्ट्र राज्य परीक्षा परिषदेच्या http://www.mscepune.in
या अधिकृत संकेतस्थळावर या परीक्षेची अधिसूचना, वेळापत्रक आणि ऑनलाइन आवेदन प्रक्रिया प्रसिद्ध करण्यात आली आहे.
पात्रता व हेतू
या स्पर्धा परीक्षेचा उद्देश सर्व कार्यरत प्रशिक्षित पदवीधर शिक्षक (प्राथमिक) व प्रशिक्षित शिक्षक (प्राथमिक) यांना केंद्र प्रमुख पदावर विभागीय मर्यादेत संधी देणे हा आहे. आयोगाचे आयुक्त अनुराधा ओक यांनी सर्व उमेदवारांना अधिक माहितीसाठी परीक्षा परिषद संकेतस्थळाची भेट देण्याचे आवाहन केले आहे.
