जागतिक आर्थिक अस्थिरतेमुळे सोने आणि चांदीच्या किमतींमध्ये प्रचंड वाढ होताना दिसत आहे. गुंतवणूकदारांचा विश्वास या मौल्यवान धातूंवर वाढल्यामुळे मागणी जोरात आहे, आणि त्याचा परिणाम सोन्या-चांदीच्या किमती नव्या उच्चांकावर पोहोचल्यावर झाला आहे.
गेल्या वर्षभरात सोन्याच्या किमतीत तब्बल ४४ टक्के वाढ झाली आहे, तर चांदीच्या किमतीत ४५ टक्के वाढ नोंदवली गेली आहे. विशेष म्हणजे, सोन्याच्या तुलनेत चांदीच्या किमतींमध्ये अधिक वाढ होत असल्याचे आकडेवारीतून स्पष्ट दिसत आहे.
मागील सहा महिन्यांत देखील या दरात जोरदार वाढ झाली आहे – सोने २६ टक्के तर चांदी २९ टक्के इतकी वाढ दाखवते. या वाढत्या दरांमुळे गुंतवणूकदारांसाठी सोने-चांदीतील गुंतवणूक आता अधिक फायदेशीर ठरत आहे, आणि आर्थिक अस्थिरतेत सुरक्षित पर्याय म्हणून लोक या धातूंमध्ये पैसा गुंतवत आहेत.
