नवी दिल्ली : भारताच्या अर्थव्यवस्थेसाठी दिलासादायक बातमी समोर आली आहे. अमेरिकेच्या राष्ट्राध्यक्ष डोनाल्ड ट्रम्प यांच्या टॅरिफ धोरणामुळे निर्माण झालेल्या तणावाच्या पार्श्वभूमीवर भारताचा परकीय चलन भंडार (Forex Reserve) आणि सोने साठा (Gold Reserve) दोन्ही मोठ्या प्रमाणात वाढले आहेत. भारतीय रिझर्व्ह बँकेच्या (RBI) माहितीनुसार, 29 ऑगस्ट 2025 रोजी संपलेल्या आठवड्यात भारताचा परकीय चलन भंडार 3.51 अब्ज डॉलर्सने वाढून 694.23 अब्ज डॉलर्सवर पोहोचला आहे. त्याआधीच्या आठवड्यात हा भंडार 690.72 अब्ज डॉलर्सवर होता.
फॉरेन करंसी अॅसेट्समध्ये वाढ
आरबीआयच्या आकडेवारीनुसार, परकीय चलन आस्त्यांमध्ये (Foreign Currency Assets)ही वाढ दिसून आली आहे. हा साठा 1.686 अब्ज डॉलर्सने वाढून 583.937 अब्ज डॉलर्सवर पोहोचला आहे. यामध्ये डॉलरव्यतिरिक्त युरो, पौंड आणि येन यांचे बदल देखील परिणामकारक ठरले आहेत.
सोने साठा वाढला
भारताचा सोने साठा (Gold Reserve)ही वाढलेला आहे. तो 1.766 अब्ज डॉलर्सने वाढून 86.769 अब्ज डॉलर्सवर पोहोचला आहे. त्याचबरोबर, स्पेशल ड्रॉइंग राइट्स (SDR) 40 दशलक्ष डॉलर्सने वाढून 18.775 अब्ज डॉलर्स झाले, तर आंतरराष्ट्रीय नाणेनिधी (IMF) मधील भारताची रिझर्व्ह पोझिशन 4.749 अब्ज डॉलर्सवर पोहोचली आहे.
आरबीआयचा सोन्याकडे कल
गेल्या काही महिन्यांपासून आरबीआय अमेरिकन ट्रेझरी बिल्सऐवजी सोन्यात अधिक गुंतवणूक करत आहे. 27 जून 2024 रोजी भारताकडे 840.76 मेट्रिक टन सोने होते, तर 27 जून 2025 पर्यंत हे प्रमाण 879.98 मेट्रिक टनांवर पोहोचले आहे.
पाकिस्तानचा फॉरेक्स रिजर्वही वाढला
भारताबरोबरच पाकिस्तानाचा विदेशी चलन भंडारही किंचित वाढला आहे. स्टेट बँक ऑफ पाकिस्तानच्या माहितीनुसार, 29 ऑगस्ट 2025 रोजी संपलेल्या आठवड्यात पाकिस्तानचा फॉरेक्स रिजर्व 41.7 दशलक्ष डॉलर्सने वाढून 19.65 अब्ज डॉलर्स झाला. यापैकी SBP चा स्वतःचा भंडार 14.3 अब्ज डॉलर्सवर पोहोचला आहे.
