“खळबळजनक उघड! अयोध्येतील श्रीराम मंदिर उडवण्याचा कट – बीडच्या तरुणाला पाकिस्तानातून मेसेज”

अयोध्येतील श्रीराम मंदिर (Ayodhya Ram Mandir) उडवून देण्याचा मेसेज बीडच्या (Beed News) एका तरुणाला थेट पाकिस्तानातून (Pakistan) आल्याचा प्रकार समोर आला आहे. या प्रकरणात शिरूर कासार पोलीस ठाण्यात तरुणाने तक्रार देखील दिली. या तरुणाला मंदिर उडवण्यासाठी 1 लाख रुपयांची ऑफर देण्यात आली असून, कटात सहभागी होण्यासाठी आणखी 50 लोकांची आवश्यकता असल्याचेही मेसेजमध्ये नमूद करण्यात आले आहे. या संपूर्ण प्रकरणामुळे जिल्ह्यात खळबळ उडाली आहे.

या तरुणाने शिरूर कासार पोलीस ठाण्यात दिलेल्या तक्रारीनुसार, त्याच्या सोशल मीडिया अकाउंटवर एक मेसेज आला. या मेसेजमध्ये अयोध्येतील श्रीराम मंदिर आरडीएक्सने उडवून देण्याची धमकी दिली. आपण पाकिस्तानी आहोत हे पटवून देण्यासाठी संशयीने कराचीतील लोकेशनही तरुणाला पाठवले. शिवाय कटात सहभागी होण्यासाठी एक लाख रुपयांची ऑफर दिली. या कामासाठी 50 जण हवे असून त्यांना प्रत्येकी एक लाख देऊ तर मंदिर उडवण्यासाठी आरडीएक्स पुरवू असे संशयिताने मेसेजद्वारे सांगितले आहे.

संशयिताविरोधात गुन्हा दाखल
मेसेज पाठवणाऱ्याने पाकिस्तानातील कराची येथील लोकेशनही शेअर केले आहे. या खळबळजनक घटनेनंतर तरुणाने शिरूर पोलीस ठाणे गाठून तक्रार दिली. या तक्रारीनुसार संशयितावर गुन्हा दाखल करण्यात आला आहे. पोलिसांनी या प्रकरणाची सखोल चौकशी सुरू केली आहे. हा नेमका काय प्रकार आहे? हे तपासानंतर स्पष्ट होणार असल्याचे माहिती पोलिसांनी दिली आहे. दरम्यान, या घटनेमुळे बीडमध्ये एकच खळबळ उडाली आहे. आता पोलिसांच्या तपासातनेमकी काय माहिती समोर येणार? हे पाहणे महत्त्वाचे ठरणार आहे.

याआधीही राम मंदिर उडवण्याच्या धमक्या
दरम्यान, अयोध्येतील राम मंदिराला धमक्या येण्याची ही पहिलीच वेळ नाही. सप्टेबर 2024 मध्ये एका तरुणाने सोशल मीडियावर धमकी दिली होती. त्यानंतर त्याला बिहारच्या भागलपूरमधून अटक करण्यात आली होती. जानेवारी 2024 मध्ये प्राणप्रतिष्ठा होण्यापूर्वीच अनेक धमक्या आल्या होत्या. यानंतर एप्रिल 2025 मध्ये अयोध्येतील राम मंदिर बॉम्बने उडवून देण्याच्या धमकीचा ई मेल अयोध्या राम मंदिर ट्रस्टउडवून देण्याच्या धमकीचा ई मेल अयोध्या राम मंदिर ट्रस्ट आणि उत्तर प्रदेशातील अनेक जिल्ह्यांच्या डीएमना आला होता. हा ई मेल तामिळनाडूतून आल्याची माहिती समोर आली होती. तर ‘मंदिराची सुरक्षा वाढवा’ असं देखील धमकीच्या मेसेजमध्ये नमूद करण्यात आले होते. आता बीडच्या तरूणाला थेट पाकिस्तानमधून अयोध्येतील राम मंदिर उडवून देण्यासाठी मेसेज आल्याने एकच खळबळ उडाली आहे.