अमरावती : सौंदर्य आणि प्रतिभेचा अनोखा संगम नुकताच अमरावतीमध्ये पाहायला मिळाला. Miss & Mrs महाराष्ट्र ब्युटी पेजेंटच्या ऑडिशनमध्ये अनेक तरुण आणि विवाहित महिलांनी मोठ्या उत्साहात सहभाग घेतला. या कार्यक्रमाला सेलिब्रिटी गेस्ट म्हणून अभिनेत्री झोया शेख उपस्थित होत्या, ज्यामुळे स्पर्धकांचा उत्साह आणखी वाढला.
या ऑडिशनमध्ये स्पर्धकांनी इंट्रोडक्शन राउंड, वॉक राउंड आणि टॅलेंट राउंडमध्ये आपली कला आणि आत्मविश्वास दाखवला. ऑडिशनसाठी ज्युरी म्हणून ब्युटी इंडस्ट्रीतील मेघा कपूर, अमरावतीचे श्री गिरीश खत्री, आणि ‘मिस महाराष्ट्र’ विजेती खुशी चवारे यांनी काम पाहिले.
यावेळी बोलताना सेलिब्रिटी गेस्ट झोया शेख म्हणाल्या की, “अशा प्रकारचे मंच महिलांना केवळ आत्मविश्वासच देत नाहीत, तर त्यांना स्वतःची एक वेगळी ओळख निर्माण करण्याची संधीही देतात. मी सर्व स्पर्धकांना त्यांच्या पुढील प्रवासासाठी शुभेच्छा देते.”
आयोजक टीममध्ये विक्रम सिसोदिया, कोरिओग्राफर आयुषी लाडे आणि त्यांच्या संपूर्ण टीमने या कार्यक्रमाच्या यशस्वीतेसाठी विशेष परिश्रम घेतले.
पुढील पाऊल: गोव्यातील ग्रँड फिनाले!
या ऑडिशनमधून निवडलेल्या सर्व स्पर्धकांना आता डिसेंबरमध्ये गोव्यामध्ये होणाऱ्या ग्रँड फिनालेमध्ये भाग घेण्याची संधी मिळणार आहे. त्यातून निवड होणाऱ्या विजेत्यांना आंतरराष्ट्रीय स्तरावर भारताचे प्रतिनिधित्व करण्याची संधी मिळेल, ज्यामुळे अमरावतीचे नाव जगभरात पोहोचेल. या ऑडिशनच्या माध्यमातून महिलांना स्वतःचे एक वेगळे स्थान निर्माण करण्याची संधी मिळाली आहे.
