साताऱ्यातील पाटणमध्ये बसचा भीषण अपघात, विद्यार्थ्यांसह 30 जण जखमी , 4 जण गंभीर

सातारा : सातारा जिल्ह्यातील पाटण तालुक्यात बसचा भीषण अपघात झाल्याची माहिती समोर आली आहे. पाटण तालुक्यात जानुगडेवाडी येथे एसटी बसचा अपघात झाला आहे.

सातारा जिल्ह्यातील पाटण तालुक्यात बसचा भीषण अपघात झाल्याची माहिती समोर आली आहे. पाटण तालुक्यात जानुगडेवाडी येथे एसटी बसचा अपघात झाला आहे. समोरुन येणाऱ्या ट्रॅव्हलला वाचवताना चालकाचा ताबा सुटून एसटी बस झाडाला धडकली. यामुळं अपघात झाला. या अपघातात एसटी बसमधील विद्यार्थ्यांसह 30 जण जखमी असल्याची प्राथमिक माहिती मिळाली आहे.

चार जण गंभीर जखमी, कराड येथे उपचारासाठी दाखल
जानूगडेवाडी नजीक एका धोकादायक वळणावर हा अपघात झाला आहे. एसटी बसच्या अपघातामध्ये शालेय विद्यार्थ्यांची संख्या मोठी होती. अपघातातील चार जण गंभीर जखमी असल्याने त्यांना कराड येथे उपचारासाठी दाखल करण्यात आले आहे.