राजमाता अहिल्यादेवी होळकर त्रिशताब्दी जयंतीनिमित्त मुख्यमंत्री देवेंद्र फडणवीस यांच्या हस्ते साहित्य प्रकाशन सोहळा
अहिल्यानगर : राजमाता पुण्यश्लोक अहिल्यादेवी होळकर यांच्या त्रिशताब्दी जयंती उत्सवानिमित्त मुख्यमंत्री देवेंद्र फडणवीस यांच्या हस्ते आज श्रीक्षेत्र चौंडी, अहिल्यानगर येथे त्यांच्या महान जीवनकार्यावर आधारित विविध पुस्तके, विशेषांक व काव्यसंग्रहांचे प्रकाशन करण्यात आले. या प्रकाशन सोहळ्याला राज्याचे उपमुख्यमंत्री एकनाथ शिंदे, विधान परिषदेचे सभापती प्रा. राम शिंदे, मंत्री राधाकृष्ण विखे पाटील, मंत्री अतुल सावे, मंत्री दत्तात्रय भरणे, तसेच अनेक आमदार व मान्यवर उपस्थित होते.
प्रकाशित साहित्याचे तपशील पुढीलप्रमाणे :
📘 ‘लोकराज्य’ विशेषांक
📘 ‘धर्मशील अहिल्या’ – रेखा करंदीकर लिखित विशेष लेखसंग्रह
📘 ‘भजनामृत सरिता’ – कवी श्रीराम पुंडे लिखित भावकाव्य संग्रह
📘 ‘अहिल्या किरण’ – लेखिका कल्याणी वाघमोडे यांचे चरित्रात्मक पुस्तक
📘 दैनिक पुण्यनगरीचा विशेषांक – अहिल्यादेवी यांच्या कार्यावर आधारित विशेष लेखमालिका
मुख्यमंत्री फडणवीस यांनी आपल्या भाषणात सांगितले की, “राजमाता अहिल्यादेवी होळकर यांचे जीवन म्हणजे त्याग, प्रजाहित, आणि उत्तम राज्यकारभाराचे प्रतीक आहे. त्यांच्या स्मृती जपणे आणि पुढील पिढीला प्रेरणा देणे हे आपले कर्तव्य आहे.”
या प्रकाशन सोहळ्याने अहिल्यादेवींच्या कार्याचा महिमा अधोरेखित करत, त्यांच्या विचारांचा प्रसार करण्याच्या दिशेने एक महत्त्वपूर्ण पाऊल उचलले आहे.
