अकोला : अकोला एमआयडीसी परिसरात आज सकाळी एक धक्कादायक घटना घडली. बिअर घेऊन जाणारी गाडी पलटी झाल्यानंतर मदतीसाठी पुढे येण्याऐवजी परिसरातील नागरिकांनी गाडीतील बिअर लुटायला सुरुवात केली.
या अपघातात गाडीचा चालक व वाहक किरकोळ जखमी झाले, मात्र घटनास्थळी उपस्थित असलेल्या नागरिकांनी जखमींना मदत करण्याऐवजी बिअरच्या पेट्या उचलण्यावरच लक्ष केंद्रित केलं.
माणुसकी हरवली कुठे?
अपघाताचं दृश्य पाहून मदतीसाठी धावणं अपेक्षित असताना, उलट बिअर लुटण्याची झुंबड उडाल्यामुळे माणुसकीवर मोठं प्रश्नचिन्ह निर्माण झालं आहे. काहींनी तर बिअरच्या बाटल्या उचलण्यासाठी गाडीवर चढण्याचा प्रयत्न केला.
पोलीस दाखल; पुढील तपास सुरू
घटनेची माहिती मिळताच पोलीस घटनास्थळी दाखल झाले असून, लुटमार करणाऱ्यांवर कारवाईचा विचार केला जात आहे. या प्रकारामुळे सार्वजनिक नैतिकतेवर आणि आपत्तीमधील नागरिकांच्या वर्तनावर प्रश्न निर्माण झाले आहेत.
