उन्हाचा तडाखा वाढू लागला आहे, आणि त्याचसोबत वाढली आहे टरबूजाची मागणी! उन्हाळ्यात शरीराला थंडावा देणाऱ्या टरबूजाची बाजारपेठ आता बहरू लागली आहे. दर्यापूर तालुक्यातील माटरगावच्या अल्पभूधारक शेतकऱ्याने खारपण पट्ट्यात टरबूज लागवडीचा यशस्वी प्रयोग केला असून, त्याला उत्तम उत्पादन मिळाले आहे.
“विदर्भात उन्हाळ्याची चाहूल लागताच बाजारात टरबूज मोठ्या प्रमाणावर दिसू लागले आहे. उन्हाळ्यात शरीरातील पाण्याची कमतरता भरून काढण्यासाठी नागरिक टरबूजाला अधिक पसंती देत आहेत. मागणी वाढल्याने टरबूजाच्या किमतीतही वाढ झाली आहे. दर्यापूर तालुक्यातील माटरगाव येथे अल्पभूधारक शेतकरी यासीन पठाण यांनी खारपण पट्ट्यात टरबूजाचे यशस्वी उत्पादन घेतले आहे. बाजारपेठेत त्याला चांगला दर मिळत आहे, ज्यामुळे स्थानिक शेतकरी आनंदी आहेत.”
यासीन पठाण, अल्पभूधारक शेतकरी, माटरगाव “मी खारपण असलेल्या जमिनीत टरबूजाचे पीक घेतले. सुरुवातीला थोडी भीती होती, पण योग्य नियोजन आणि मेहनतीमुळे चांगले उत्पन्न मिळाले आहे. मागणी जास्त असल्याने दरही चांगले मिळत आहेत, याचा आम्हा शेतकऱ्यांना मोठा फायदा होत आहे.”
“शेतकऱ्यांच्या मेहनतीला चांगला प्रतिसाद मिळत असल्याने त्यांचे उत्पन्न वाढत आहे. उन्हाळ्यात टरबूजाला वाढती मागणी असल्याने बाजारपेठेत त्याचा दरही वाढत आहे. हा उन्हाळा तुमच्यासाठी ताजा आणि आरोग्यदायी राहावा यासाठी टरबूजाचा समावेश आहारात जरूर करा!
